maine apnii nanhii aankhein jab kholii..aapka chehra mai roz dekhne lagii...
zindagii ne mera swaagat kiya..aap mujhe pyaar dene lagii...
aapke aanchal mein reh kar is khoobsurat duniya ko mai jeene lagii...
aapke haatho ki chay se meri subah hone lagii...
hassii mazaq se din ki bhi na koi khabar mujhe rehne lagii...
ek dost ki tarah ab aap mujhe lagne lagii...
aapkii daant se mujhe seekh milne lagii...
aapkii kahaaniyo ki mithaass mein raat guzarne lagii...
achanak ek tufaan ki dastak sunaayii dene lagii...
zindagii aapkii meri bikharne lagii...
Wo pyaar bhara aanchal ab choothne laga...
Dil mein mere dard bharne laga...
Apnii num aankhein mai chupaane lagii...
Aapkii aankho ki nami mujhe dikhne lagii...
Aapke dard ka ehsaas mujhe dard dene laga...
Dekhte hi dekhte wo aanchal chooth gaya...
Aankho ke aansu toh phir bhi tham gaye...
Dil mein dard ki lehar chodh gaye...
Aapke aashirwaad se mere kadam phir chalne lage...
Waqt paani ki tarah behne laga...
Na jaane aaj phir dil ko aapkii yaad aane lagii...
Mann mein mere bechainii si hone lagii...
Aankhein meri aaj phir rone lagii...
Dil se bas ek hi dua nikalne lagii...
jaha bhi aap ho...bas roshni hi ho zindagii mein aapkii...!!!
